Azərbaycan, Bakı, 8 oktyabr /Trend, müxbir K.Zərbalıyeva/
Rusiya ilə sərhəddə qəzalı vəziyyətdə olan körpünün yerində tikilən yeni körpü yaxın aylarda istismara veriləcək.
Trend-in "Azəryolservis" ASC-nin rəsmi saytına istinadən verdiyi məlumata görə, Bakı-Quba-Rusiya Federasiyası ilə dövlət sərhədi avtomobil yolunun 177-ci km-də qəzalı vəziyyətə düşən körpünün yerində müasir körpünün tikintisinə başlanılıb.
Yeni körpünün uzunluğu 42 m, eni isə 14 m təşkil edəcək. Körpünün hər iki tərəfində piyadaların hərəkəti üçün 1 m enində səki nəzərdə tutulub. Körpünün 2 dayağında betonlanma və svay işləri başa çatıb.
Körpünün yaxın aylarda istismara verilməsi planlaşdırılır.
