Azərbaycan, Bakı, 10 oktyabr /Trend/
Azərbaycan Səhiyyə Nazirliyi ilə Rusiya Federasiyasının Diplomdan sonrakı Tibb Akademiyası arasında imzalanmış sazişin növbəti mərhələsinə start verilib.
Nazirliyin mətbuat xidmətindən Trend-ə verilən məlumata görə, akademiyanın professor və dosent heyəti tərəfindən Əziz Əliyev adına Azərbaycan Dövlət Həkimləri Təkmilləşdirmə İnstitutunda azərbaycanlı müdavimlər üçün rentgenologiya, neonatologiya, terapiya və uşaq cərrahiyyəsi üzrə elmi-praktiki kurslar keçirilir.
Kurslara respublika üzrə dövlət xəstəxanalarında çalışan mütəxəssislər cəlb edilib.