Azərbaycan, Bakı, 18 oktyabr / Trend müxbir M.Əliyev/
MDB dövlətlərinin Gənclərlə iş üzrə Şurasının növbəti iclası sabah Bakıda öz işinə başlayacaq. Trend-in məlumatına görə, bu barədə cümə axşamı Gənclər və İdman Nazirliyinin mətbuat xidmətindən bildirilib.
İclas 19-20 oktyabr tarixlərində keçiriləcək.
Tədbirdə Azərbaycan, Belarus, Qazaxıstan, Qırğızıstan, Rusiya, Tacikistanın nümayəndələri iştirak edəcəklər. Eyni zamanda, tədbirə MDB ölkələrinin Azərbaycandakı səfirliklərinin nümayəndələri də dəvət ediliblər.