...

Ucar-Əlikənd mənzilində 3325 metr dəmir yolunun təmirinə başlanılır

Cəmiyyət Materials 29 Oktyabr 2012 09:27 (UTC +04:00)
"Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı"nın icrası çərçivəsində Bakı-Böyük Kəsik istiqamətində 317 km yolun əsaslı təmiri davam edir.
Ucar-Əlikənd mənzilində 3325 metr dəmir yolunun təmirinə başlanılır

Azərbaycan, Bakı, 29 oktyabr /Trend/

"Azərbaycan Respublikasında dəmir yolu nəqliyyat sisteminin 2010-2014-cü illərdə inkişafına dair Dövlət Proqramı"nın icrası çərçivəsində Bakı-Böyük Kəsik istiqamətində 317 km yolun əsaslı təmiri davam edir.

"Azərbaycan Dəmir Yolları" QSC-nin mətbuat xidmətindən Trend-ə verilən məlumata görə, 29-31 oktyabrda növbəti yol qoyuluşu həyata keçiriləcək və Ucar-Əlikənd mənzilində 3325 metr yol əsaslı təmir olunacaq.

"Dəmiryolservis" MMC-nin baş direktoru Əli Əşrəf Lütfəlibəyovun telefonla verdiyi məlumatda bildirilir ki, səhər saatlarında Ucar-Əlikənd mənzilində söküntü işlərinə başlanılıb və artıq 500 metr köhnə yol sökülüb.

Məlumat üçün bildirək ki, Dövlət Proqramı çərçivəsində Bakı-Böyük Kəsik istiqamətində 317 km yolun əsaslı təmirinə 10 iyun 2011-ci ildə Tatlı-Ağstafa sahəsinin 97-ci kilometrində start verilib. Bu günə kimi 142,6 km yol əsaslı təmir olunub.
Əsaslı təmir işlərini "Azərbaycan Dəmir Yolları" QSC "Dəmiryolservis" MMC-nin müəssisəsləri və İnfrastruktur Departamentinin müvafiq qurumları həyata keçirir.

İnfrastruktur Departamenti tərəfindən Bakı-Böyük Kəsik-Bakı istiqamətində əsaslı təmir olunması nəzərdə tutulan kilometrlərin təmir ardıcıllığı siyahısı hazırlanıb və işlər bu ardıcıllığa uyğun həyata keçirilir. Yolların əsaslı təmiri prosesini Çexiyanın "İxrac" Bankının nəzarət qrupu müşahidə edir.

Məqalədə:
Xəbər lenti

Xəbər lenti