Azərbaycan, Bakı, 10 fevral /Trend, müxbir M.Əliyev/
Bakıda və Abşeron yarımadasında gələn həftənin ilk günündə havanın dəyişkən buludlu olacağı, arabir tutulacağı, bəzi yerlərdə zəif duman, çiskin olacağı ehtimalı var.
Trend-in məlumatına görə, Ekologiya və Təbii Sərvətlər Nazirliyinin (ETSN) Milli Hidrometeorologiya Departamentinin Hidrometeoroloji Proqnozlar Bürosundan bildiriblər ki, yarımadada temperaturun gecə 3-7 dərəcə isti, gündüz 7-11 dərəcə isti, Bakıda gecə 4-6 dərəcə isti, gündüz 7-9 dərəcə isti olacağı gözlənilir.
Azərbaycanın regionlarında fevralın 11-i havanın bəzi yerlərdə yağıntılı olacağı, əsasən yağmursuz keçəcəyi gözlənilir.
Dağlıq rayonlarda səhər saatlarında duman olacağı, temperaturun gecə 2 dərəcə şaxtadan 3 dərəcəyədək isti, bəzi yerlərdə 5 dərəcəyədək şaxta, gündüz 4-9 dərəcə isti olacağı gözlənilir.