Azərbaycan, Bakı, 14 fevral /Trend, müxbir İ.İsabalayeva/
Azərbaycanda doğuşların təbii yolla aparılmasının zəruriliyinə diqqət artırılmalıdır.
Səhiyyə Nazirliyinin mətbuat xidmətindən cümə axşamı Trend-ə verilən məlumata görə, bunu səhiyyə naziri Oqtay Şirəliyevin rəhbərliyi ilə Azərbaycanda doğuşayardım xidmətinin vəziyyətinə həsr olunmuş geniş kollegiya iclasında nazirliyin Tibbi yardım təşkili şöbəsini müdiri Gülmirzə Poladova deyib.
2007-ci ildə 151 mindən artıq uşaq doğulmuşdursa, 2012-ci il ərzində 173 547 diri doğulmuş qeydə alınıb. Körpə ölümü göstəricisi 2007-ci ildə 12,1-ə, 2012-ci ildə 10,8-ə, ana ölümü 2007-ci ildə 34,5-ə, 2012-ci ildə isə 14,9-a bərabər olub.
Poladov deyib ki, son illər ərzində evdə doğuşların sayında azalma müşahidə olunur. Belə ki, 2007-ci ildə evdə doğuşların sayı ümumi diri doğulmuşların sayına görə 3,5% təşkil etmişdirsə, 2012-ci ildə bu göstərici 3 dəfə azalıb.
Poladov bildirib ki, doğuşayardım xidmətinin daha da təkmilləşməsi, problemlərin aradan qaldırılması üçün Səhiyyə Nazirliyi müxtəlif istiqamətlərdə ciddi tədbirlər görür. Hazırda neonatoloji xidmətin təkmilləşdirilməsi istiqamətində vacib işlərin görülməsi planlaşdırılır.