...

Azərbaycanda sosial xidmət haqqında qanunvericiliyin pozulmasına görə cərimələr sərtləşdirilib

Cəmiyyət Materials 22 Fevral 2013 13:29 (UTC +04:00)
Azərbaycanda sosial xidmət haqqında qanunvericiliyin pozulmasına görə cərimələr sərtləşdirilib. Trend-in məlumatına görə, Milli Məclisin cümə günü keçirilən iclasında bununla bağlı İnzibati Xətalar Məcəlləsinə dəyişiklik edilib.
Azərbaycanda sosial xidmət haqqında qanunvericiliyin pozulmasına görə cərimələr sərtləşdirilib

Azərbaycan, Bakı, 22 fevral /Trend, müxbir M.Əliyev/

Azərbaycanda sosial xidmət haqqında qanunvericiliyin pozulmasına görə cərimələr sərtləşdirilib. Trend-in məlumatına görə, Milli Məclisin cümə günü keçirilən iclasında bununla bağlı İnzibati Xətalar Məcəlləsinə dəyişiklik edilib.

Dəyişikliyə əsasən, sosial xidmətin keyfiyyətini, həcmini və şərtlərini müəyyən edən tələblərin pozulmasına görə fiziki şəxslər 50 manat, vəzifəli şəxslər 100 manat, hüquqi şəxslər isə 150 manat miqdarında cərimə olunacaq.

Məcəlləyə edilmiş dəyişikliyə əsasən, dövlət tərəfindən göstərilən sosial xidmətə olan tələbatın qiymətləndirilməsi, müəyyən edilməsi və qərar qəbul edilməsi üçün düzgün olmayan məlumatların verilməsinə görə 50 manat, sosial xidmətin dayandırılmasına təsir göstərən dəyişikliklər barədə sosial xidmət göstərən subyektlərin məlumatlandırılmamasına görə 50 manat, sosial xidmətə tələbatı olmayan şəxsin qanunsuz və ya əsassız olaraq dövlət tərəfindən sosial xidmətə götürülməsi və ya dövlət tərəfindən sosial xidmət göstərilməsi üçün əsaslar olduqda şəxsin sosial xidmətə götürülməsindən imtina edilməsinə görə vəzifəli şəxslər 100 manat miqdarında cərimə ediləcək.

Sosial xidmətin göstərilməsi və ya sosial xidmətin göstərilməsindən imtina barədə qərar haqqında qanunla müəyyən olunmuş müddətdə müraciət edən şəxsə rəsmi məlumatın verilməməsi və ya sosial xidmətdən imtina barədə qərarda imtinanın səbəblərinin göstərilməməsinə görə isə vəzifəli şəxslər 100 manat miqdarında cərimə olunacaq

Məqalədə:
Xəbər lenti

Xəbər lenti