Azərbaycan, Bakı, 1 aprel /Trend/
İqtisadi inkişaf naziri Şahin Mustafayev aprelin 6-da, saat 10:00-da Mingəçevir şəhərində Yevlax, Bərdə, Ağcabədi, Ağdaş, Ucar, Göyçay, Zərdab, Beyləqan, Laçın rayonlarından və Mingəçevir şəhərindən olan vətəndaşları qəbul edəcək. Bu barədə bazar ertəsi Trend-ə nazirliyin mətbuat xidmətindən daxil olan məlumatda deyilir.
Məlumatda deyilir ki, qəbula gəlmək istəyən vətəndaşların İqtisadi İnkişaf Nazirliyinin "[email protected]" elektron poçt ünvanı, 493-51-68, 493-88-67 (21-43), (050) 315-18-17 nömrəli telefonlar (əlaqələndirici şəxs Rövşən Ataşov), həmçinin nazirliyin Aran regional bölməsi (Elbrus Hüseynov, əlaqə telefonu: (02233) 6-73-10, (055) 206-88-52, Yevlax şəhəri, Heydər Əliyev prospekti, 34) vasitəsilə qəbula yazılmaları xahiş olunur.