Azərbaycan, Bakı, 15 aprel /Trend/
Cari ilin I rübündə Ermənistanda cinayət hallarının sayında artım qeydə alınıb. Bu barədə Trend bazar ertəsi Ermənistan KİV-ə istinadən məlumat verir.
Qeyd edilən dövrdə 4322 cinayət faktı qeydə alınıb. Ötən ilin müvafiq dövründə bu rəqəm 3968 olub.
Orta ağır cinayətlərin sayı 4 faiz artaraq 1370-ə çatıb. Ağır cinayətlərin sayı 746 olub, ötən ilin analoji dövründə bu göstərici 526-ə bərabər olub.
Bununla yanaşı, xüsusi ağır cinayətlərin sayı 40-dan 31-dək azalıb. Odlu silahın tətbiqi ilə 19 cinayət faktı qeydə alınıb. Bu göstərici 2012-ci ilin müvafiq dövründə 23 fakt təşkil edib.
Yerevanda hesabat dövründə 2280 cinayət faktı qeydə alınıb. Ötən ilin analoji dövründə bu rəqəm 2103 hal təşkil edib.