Azərbaycan, Bakı, 22 aprel / Trend, müxbir R.Hafizoğlu /
Türkiyə səhiyyə sektorunun inkişafını və dərman preparatları istehsalını genişləndirəcək. Trend-in məlumatına görə, bu barədə bazar ertəsi Türkiyənin səhiyyə naziri Mehmet Muazzinoğluna istinadən "Anadolu" agentliyi xəbər yayıb.
Onun sözlərinə görə, Türkiyə hər gün dərman preparatlarının idxalına 40 milyon türk lirəsi xərcləyir. Hər il bu rəqəm 10 milyard ABŞ dollarından artıq məbləğ təşkil edir.
Muazzinoğlu bildirib ki, səhiyyə sektorunun inkişafı ölkənin prioritetlərindən biridir.