Azərbaycan, Bakı, 23 aprel /Trend, müxbir İ.İsabalayeva/
Ümumdünya Səhiyyə Təşkilatı (ÜST) Azərbaycanda insan papilloma viruslarına qarşı peyvəndin aparılması üçün Səhiyyə Nazirliyi ilə müzakirələrə başlayacaq. Bu barədə çərşənbə axşamı Trend-ə ÜST-nin Azərbaycandakı nümayəndəliyindən məlumat verilib.
Nümayəndəlikdən bildirilib ki, bununla bağlı müzakirələrə bu ilin sonundan başlamaq nəzərdə tutulur.
İnsan papilloma virusları qadınlarda uşaqlıq boynu xərcənginin yaranmasına səbəb olur. ÜST-nin tövsiyələrinə əsasən, bu peyvənd qadınlara 12-14 yaşlarında,15 yaşına çatanadək 3 dozada vurulmalıdır.