Azərbaycan, Bakı, 4 iyun /Trend, müxbir İ.İzzət/
Zabrat-Maştağa-Buzovna avtomobil yolunun Maştaga-Buzovna hissəsinin 5 kilometrlik sahəsində işlər başa çatdırılıb.
Bu barədə Trend-ə Nəqliyyat Nazirliyi "Azəryolservis" ASC-nin mətbuat xidmətindən bildiriblər.
Hazırda Azərbaycan Respublikası Prezidentinin 2011-ci il 4 may tarixli 1490 nömrəli Sərəncamı ilə təsdiq edilmiş "2011-2013-cü illərdə Bakı şəhərinin və onun qəsəbələrinin sosial-iqtisadi inkişafına dair Dövlət Proqramı" çərçivəsində Zabrat - Maştağa - Buzovna avtomobil yolunun yenidən qurulması davam etdirilir.
Ümumi uzunluğu 14 km olan yolun Maştağa - Buzovna hissəsinin 5 kilometrlik sahəsində işlər başa çatdırılıb. Hazırda yolun qalan hissəsində asfalt-beton örtüyünün vurulmasına hazırlıq işləri gedir. Ümumilikdə yolun yaxın aylarda istismara veriləcəyi gözlənilir.