Azərbaycan, Bakı, 25 iyun /Trend, müxbir İ.İzzət/
Bir neçə gündən sonra Azərbaycanda beynəlxalq ekologiya düşərgəsi fəaliyyətə başlayacaq.
Trend-in xəbərinə görə, bunu gənclər və idman nazirinin müavini İntiqam Babayev jurnalislərə açıqlamasında bildirib.
Nazir müavininin sözlərinə görə, bu, gənclərin düşərgəsi olacaq:
"Artıq bu gündən başlayaraq bununla bağlı Azərbaycana bir neçə ölkədən 100-ə yaxın nümayəndə gələcək. Onlar Gənclər və İdman Nazirliyinin Azərbaycan Respublikasının xarici ölkələrdəki səfirlikləri ilə birgə tələbələr arasında keçirdiyi "Mən Azərbaycan haqqında nə bilirəm?" mövzusunda müsabiqəsinin qalibləridir".