Azərbaycan, Bakı, 6 fevral /Trend, müxbir R.Hafizoğlu/
Türkiyədə sosial problemli ailələrə xüsusi dəstək proqramı həyata keçiriləcək. Trend-in məlumatına görə, bu barədə Türkiyənin "Anadolu" agentliyi məlumat verib.
Məlumata əsasən, xüsusi dəstək proqramı ölkənin Ailə və Sosial Siyasət Nazirliyi tərəfindən həyata keçiriləcək.
Məlumatda o da qeyd olunur ki, proqram çərçivəsində nazirliyin nəzdində xüsusi təlim keçmiş mütəxəsislər problemli ailələrin uşaqları ilə yanaşı, onların valideynləri ilə də görüşlər keçirəcəklər.
Agentliyin məlumatına əsasən, 2008-ci ildə də nazirlik tərəfindən belə bir proqram həyata keçirilib, lakin o vaxt proqram çərçivəsində ancaq problemli ailələrin uşaqları ilə xüsusi görüşlər keçirilirdi.