Azərbaycan, Bakı, 12 aprel /Trend/
Gəncədə Sovet dönəmindən qalan liftlərin yenilənməsinə başlanılıb.
Trend Kəpəz TV-yə istinadən məlumat verir ki, işlər Yeni Gəncə qəsəbəsi, II mikrorayon deyilən yaşayış massivində aparılır. Burada ilkin mərhələdə 15 yeni liftin quraşdırılması nəzərdə tutulur.
Ümumilikdə bu günə kimi Gəncə şəhərində 1984-1985-ci illərdə istismara verilən vaxtı ötmüş liftlərin yeniləri ilə əvəz olunması istıqamətində 45 ədəd lift dəyişdirilib.
Ən müasir standartlara cavab verən liftlər İtaliya, Almaniya və Türkiyə istehsalıdır.
