Azərbaycan, Bakı, 23 aprel /Trend, müxbir İ.İsabalayeva/
Azərbaycan Milli Elmlər Akademiyasının (AMEA) müəssisə və təşkilatlarında calışan əməkdaşların təxminən 30 faizinin yaşı 40-dəkdir.
AMEA-dan Trend-ə verilən məlumata görə, qurumun müəssisə və təşkilatlarında yaşı 40-a qədər olan 3100 gənc əməkdaş çalışır. Bu da bütün işçilərin təxminən 30 faizini təşkil edir.
Ötən il müvəffəqiyyətlə imtahan vermiş 199 nəfər gənc AMEA-nın elmi müəssisələrinə doktoranturaya qəbul olub.
Ümumilikdə ötən il Nazirlər Kabinetinin müvafiq sərəncamı ilə Elmlər Akademiyası üzrə fəlsəfə doktoru hazırlığı üzrə 205, elmlər doktoru hazırlığı üzrə 72, dissertantura yolu ilə fəlsəfə doktoru hazırlığı üzrə 231, elmlər doktoru hazırlığı üzrə 116 qəbul planı təsdiq edilib.