Azərbaycan, Bakı, 12 may /Trend, müxbir İlhamə İsabalayeva/
Aprel ayında Tələbə Qəbulu üzrə Dövlət Komissiyasının elektron xidmətlərindən 1 016 575 dəfə istifadə olunub.
Komissiyadan Trend-ə verilən məlumata görə, "Elektron hökumət" portalında 42 qurum tərəfindən göstərilən 274 elektron xidmətdən ümumilikdə 1 554 540 dəfə istifadə olunub.
Həmin məlumatda Tələbə Qəbulu üzrə Dövlət Komissiyası (TQDK) təqdim etdiyi elektron xidmətlərdən istifadə sayına görə birinci yerdə göstərilib. Belə ki, TQDK-nın elektron xidmətlərindən 1 016 575 dəfə istifadə olunub.