Azərbaycan, Bakı, 2 noyabr /Trend/
Rabitə və yüksək texnologiyalar sahəsində fəaliyyət göstərən podratçı şirkətin rəhbəri Namazəli Məmmədov Baş prokuror yanında Korrupsiyaya qarşı Mübarizə Baş İdarəsi əməkdaşları tərəfindən saxlanılıb.
Etibarlı mənbədən Trend-ə verilən məlumata görə, N.Məmmədovun və şirkətin Rabitə və Yüksək Texnologiyalar Nazirliyi ilə əlaqəsi var.
Mənbə bildirib ki, N.Məmmədov haqqında həbs-qətimkan tədbiri seçilib.
Lakin Rabitə və yüksək texnologiyalar nazirinin müşaviri Müşfiq Əmirov Trend-ə bildirib ki, həmin şəxs nazirliyin əməkdaşı deyil.