Bakı. Elçin Mehdiyev - Trend:
"Ötən aprel ayında ermənilərin yaşayış məntəqələrimizi atəşə tutması nəticəsində tarixi abidələrə və məscidlərə dəymiş ziyanın həcmi araşdırılır".
Trend-in məlumatına görə, bunu Dini Qurumlarla İş üzrə Dövlət Komitəsinin sədri Mübariz Qurbanlı deyib.
M.Qurbanlı bildirib ki, bununla bağlı Komitə tərəfindən müvafiq qurumlara müraciət edilib:
"Hazırda araşdırmalar aparılır. Bu proses başa çatdıqdan sonra yaşayış məntəqələrinin bərpası ilə yanaşı tarixi abidələrin, o cümlədən məscidlərin bərpası həyata keçiriləcək".