Bakı. Səba Ağayeva - Trend:
Azərbaycan alman mühacirlərin Azərbaycana gəlişinin 200 illiyinin YUNESKO xətti üzrə qeyd edilməsi təşəbbüsü ilə çıxış edib.
Trend-in məlumatına görə, bunu Almaniyanın xarici işlər naziri, ATƏT-in fəaliyyətdə olan sədri Frank-Valter Ştaynmayerlə görüşün nəticələrinə həsr olunmuş brifinqdə Azərbaycanın XİN rəhbəri Elmar Məmmədyarov deyib.
Onun sözlərinə görə, "Azərbaycanda alman məskənləri" layihəsi hazırlanıb. Nazir qeyd edib ki, 1817-ci ildə almanlar ilk dəfə olaraq Tovuz, Astara və Gəncə şəhərlərində məskunlaşıblar: "Gələn il Azərbaycanda almanların məskunlaşmasının 200 illiyi qeyd ediləcək və bu tarix YUNESKO-nin xətti ilə qeyd olunacaq".