Bakı. Samir Əli-Trend:
Şamaxı rayonunun Şərədil qəsəbəsi ərazisində örüş sahəsində baş verən yanğınla bağlı əraziyə Şamaxı rayon Yanğın Mühafizə Xidmətinin əməkdaşları cəlb edilib. Bu barədə Trend-ə Fövqəladə Hallar Nazirliyinin mətbuat xidmətinin rəhbəri Oqtay Bayramov məlumat verib.
Nazirlik rəsmisi bildirib ki, yanğın əvvəlcə ərazidəki kol-kosdan başlayıb. Əraziyə yanğınsöndürmə briqadaları və Şamaxı rayon İcra hakimiyyətinin məsul şəxsləri gəlib. Yanğının yaxınlıqdakı meşə zolağına keçməsi təhlükəsinin qarşısının alınması ilə bağlı tədbirlər görülür. Hələlik yanğın davam edir.