Bakı. Trend:
ABŞ-ın Missouri Universitetinin Professoru Eric Sandvol, Oregon Dövlət Universitetinin Yer, Okean və Atmosfer Elmləri Kollecinin professoru John Nabelek, Gürcüstanın Ilia Dövlət Universitetinin Yer Elmləri İnstitunun direktoru Tea Godoladze, Ilia Dövlət Universitetinin Yer Elmləri İnstitunun əməkdaşı Maya Uchaneishvili AMEA nəzdində Respublika seysmoloji Xidmət Mərkəzində olublar.
AMEA nəzdində RSXM-nin İnformasiya şöbəsindən Trend-ə verilən məlumata görə, Mərkəzin baş direktoru, AMEA-nın müxbir üzvü Qurban Yetirmişli ilə keçirilən görüşdə ABŞ, Azərbaycan və Gürcüstanın seysmoloqları arasında birgə əməkdaşlıq və layihələrin həyata keçirilməsi, qarşılıqlı təcrübə mübadiləsinin genişləndirilməsi və s. məsələlər müzakirə edilib.
Görüşlərdə həmçinin "Qafqaz Kəsilişi" layihəsi üzrə müzakirələr aparılıb.