Bakı. Azad Həsənli - Trend:
Bu gün səhər təxirə salınmış Bakı-İstanbul aviareysinin sərnişinləri yanvarın 18-ə kimi istənilən reyslə uçuşu həyata keçirə bilərlər. Bu barədə Trend-ə “Türk Hava Yolları” şirkətindən məlumat verilib.
Bu gün İstanbuldakı hava şəraiti ilə əlaqədar səhər saatlarında Bakı-İstanbul reysi təxirə salınmışdı. Aviaşirkətin məlumatına görə, həmin reysin sərnişinləri fevralın 8-dək biletin dəyərini geri ala bilərlər.
Qeyd edək ki, bu gün ümumilikdə İstanbula 6 reys təyin olunub. Onlardan 3-ü artıq baş tutub.