Bakı. İlhamə İsabalayeva - Trend:
Dövlət İmtahan Mərkəzi (DİM) yulun 14 (II və III ixtisas qrupu) və 22-də keçiriləcək qəbul imtahanları ilə bağlı maarifləndirici video-çarx hazırlayıb.
Mərkəzdən Trend-ə verilən məlumata görə, iyulun 14 (II və III ixtisas qrupu) və 22-də (I və IV ixtisas qrupu) ali təhsil müəssisələrinə ikinci qəbul imtahanları keçiriləcək. Bu imtahanlarda 60 mindən artıq abituriyentin iştirakı gözlənilir.
Nəzərdə tutulan imtahanlarla əlaqədar DİM tərəfindən "imtahan prosesi"nə aid maarifləndirici video-çarx hazırlanmışdır. Video-çarxda abituriyentlərin imtahan prosesində özlərini rahat hiss etməsi üçün bəzi vacib qaydalar haqqında məlumat verilir.