Bakı. Samir Əli - Trend:
Balakən rayonunda kişi həyat yoldaşını ölümcül bıçaqlayıb.
Trend-in məlumatına görə, hadisə rayonun Qullar kəndində baş verib. Kənd sakini, 1984-cü il təvəllüdlü İbadov Raman Hümbət oğlu eyni ünvanda yaşadığı həyat yoldaşı, 1987-ci il təvəllüdlü İbadova Esmira Cümşüd qızı ilə mübahisə edib. Mübahisə nəticəsində R.İbadov həyat yoldaşına bir-neçə bıçaq zərbəsi vuraraq öldürmək istəyib. Ailə üzvlərinin köməyi ilə qadın xəstəxanaya yerləşdirilib.
Hüquq-mühafizə orqanları əməkdaşlarının keçirdikləri əməliyyat nəticəsində R.İbadov şübhəli şəxs qismində saxlanılıb.
Faktla bağlı Balakən rayon Prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsilə cinayət işi başlanıb.