...

BDU-nun 100 illik yubileyi Avrasiya Universitetlər Assosiasiyasında qeyd ediləcək

Cəmiyyət Materials 29 Noyabr 2017 14:22 (UTC +04:00)
BDU-nun 100 illik yubileyi Avrasiya Universitetlər Assosiasiyasında qeyd ediləcək.
BDU-nun 100 illik yubileyi Avrasiya Universitetlər Assosiasiyasında qeyd ediləcək

Bakı. Trend:

Bakı Dövlət Universitetinin (BDU) 100 illik yubileyi Avrasiya Universitetlər Assosiasiyasında qeyd ediləcək.

Bu barədə Trend-ə BDU-nun Mətbuat və İnformasiya Şöbəsindən məlumat verilib.

Avrasiya Universitetlər Assosiasiyasının prezidenti, M.V.Lomonosov adına Moskva Dövlət Universitetinin rektoru, akademik Viktor Sadoniçi BDU-nun rektoru, qeyd edilən Assosiasiyanın vitse-prezidenti, akademik Abel Məhərrəmova məktub ünvanlayıb. Məktubda Avrasiya Universitetlər Assosiasiyasının 2019-cu ildə keçiriləcək əsas tədbirləri sırasına Bakı Dövlət Universitetinin 100 illik yubiley tədbirinin də əlavə edilməsi əksini tapıb. Assosiasiyanın prezidenti, eyni zamanda, akademik Abel Məhərrəmovun qurumda aktiv fəaliyyətini yüksək qiymətləndirib. V.Sadovniçi həmçinin, Assosiasiyaya daxil olan universitetlərin beynəlxalq əlaqələrinin genişlənməsində, vahid elmi-təhsil mühitinin saxlanmasında və təhsil ocaqları arasında dostluğun möhkəmləndirilməsindəki xidmətlərinə görə, A.Məhərrəmova təşəkkürünü bildirib.

Onu da qeyd edək ki, bir müddət əvvəl BDU-nun 100 illik yubileyinin 2019-cu ildə UNESCO səviyyəsində qeyd olunması ilə bağlı qurumun Baş Konfransı 39-cu sessiyasında qərar qəbul edib.

Məqalədə:
Xəbər lenti

Xəbər lenti