...

Klub rəhbəri: Alpinistlərlə bağlı bu məlumat həqiqəti əks etdirmir

Cəmiyyət Materials 5 Yanvar 2018 11:21 (UTC +04:00)
Dekabrın 23-də Quba rayonu ərazisində itkin düşən alpinistlərdən birinin tapılması barədə yayılan məlumatlar həqiqəti əks etdirmir.
Klub rəhbəri: Alpinistlərlə bağlı bu məlumat həqiqəti əks etdirmir

Bakı. Samir Əli - Trend:

Dekabrın 23-də Quba rayonu ərazisində itkin düşmüş alpinistlərdən birinin tapılması barədə yayılan məlumatlar həqiqəti əks etdirmir. Bu barədə Trend-ə açıqlamasında "Gilavar" hava və ekstrim idman klubunun rəhbəri Ziya Qasımov bildirib.

O qeyd edib ki, axtarışlar hələ müsbət nəticə vermir: "Axtarışlar davam etdirilir. Hələ ki alpinistlərin tapılması barədə mənə məlumat daxil olmayıb. Hazırda Quba rayonundayam, axtarışlar aparılır".

Onun sözlərinə görə, Qubanın Xınalıq istiqamətində Fövqəladə Hallar Nazirliyi ilə Ekologiya və Təbii Sərvətlər Nazirliyinin əməkdaşları axtarışları davam etdirir.

Xatırladaq ki, ötən il dekabrın 23-də "Gilavar" hava və ekstrim idman klubunun 3 üzvü - Fəridə Cəbrayılzadə, Babur Hüseynov və Namin Bünyatzadə Quba rayonundan Tufandağ istiqamətində hərəkət edərkən onlarla əlaqə kəsilib.

Məqalədə:
Xəbər lenti

Xəbər lenti