...

Nazir müavini Qubada - Alpinistlərin axtarışı ilə bağlı (FOTO)

Cəmiyyət Materials 9 Yanvar 2018 14:54 (UTC +04:00)
Fövqəladə hallar nazirinin müavini Faiq Tağızadə Quba rayonunda dağlıq ərazidə itkin düşmüş “Gilavar” idman klubunun 3 üzvü - 1983-cü il təvəllüdlü Namin Bünyatzadə, 1990-cı il təvəllüdlü Babur Hüseynov və 1991-ci il təvəllüdlü Fəridə Cəbrayılzadənin axtarışlarının gedişatını izləmək üçün həmin əraziyə səfər edib.
Nazir müavini Qubada - Alpinistlərin axtarışı ilə bağlı (FOTO)

Quba. Samir Əli - Trend:

Fövqəladə hallar nazirinin müavini Faiq Tağızadə Quba rayonunda dağlıq ərazidə itkin düşmüş “Gilavar” idman klubunun 3 üzvü - 1983-cü il təvəllüdlü Namin Bünyatzadə, 1990-cı il təvəllüdlü Babur Hüseynov və 1991-ci il təvəllüdlü Fəridə Cəbrayılzadənin axtarışlarının gedişatını izləmək üçün həmin əraziyə səfər edib.

Trend-in məlumatına görə, Fövqəladə Hallar Nazirliyinin təşkilatçılığı ilə baş tutan səfərdə Xınalıq qəsəbəsində bir qrup media nümayəndəsi nazir müavini ilə birlikdə axtarışları izləyib.

Qeyd edək ki, ötən il dekabrın 23-də "Gilavar" hava və ekstrim idman klubunun 3 üzvü - Fəridə Cəbrayılzadə, Babur Hüseynov və Namin Bünyatzadə Quba rayonundan Tufandağ istiqamətində hərəkət edərkən onlarla əlaqə kəsilib.

Baş Prokurorluğun yaydığı məlumatda bildirilir ki, hadisə ilə əlaqədar xüsusi mühafizə olunan təbiət əraziləri və obyektlərindən istifadə sahəsində qanunvericiliyin tələblərinə əməl edilməməsinə, habelə adları qeyd olunan alpinistlərin ixtisası, təcrübəsi, hazırlıqlarının yürüşə imkan verib-verməməsi, meteoşəraitin dağın zirvəsinə qalxmağa əlverişli olub-olmaması, marşrutun seçilməsi və təhlükəsizlik tədbirləri ilə bağlı digər məsələlərə nəzarət edilməsi sahəsində məsul şəxslərin öz xidməti vəzifələrini lazımi qaydada yerinə yetirməməsinə dair şübhələr üçün kifayət qədər əsaslar yarandığından Cinayət Məcəlləsinin 314.2-ci (səhlənkarlıq, ehtiyatsızlıqdan ağır nəticələrə səbəb olduqda) maddəsi ilə cinayət işi başlanıb. Cinayət işi üzrə Baş Prokurorluğun Ağır cinayətlərə dair işlər üzrə istintaq idarəsində zəruri istintaq-əməliyyat tədbirləri həyata keçirlir.

Foro: Zaur Mustafayev

Məqalədə:
Xəbər lenti

Xəbər lenti