Bakı. Samir Əli -Trend:
Bayılda sürüşmə zonasında 90-a yaxın ev qəzalı vəziyyətdədir.
Trend-in məlumatına görə, Səbail rayonunun Bayıl qəsəbəsində sürüşmə baş verən ərazidəki mənzillərin nömrələnməsinə başlanıb.
Hazırda əraziyə Səbail rayon Mənzil Kommunal Təsərrüfatı Birliyinin əməkdaşları cəlb edilib. Ərazidə 90-a yaxın evin qəzalı vəziyyətdə olduğu müəyyən edilib. Həmin mənzillər MKTB əməkdaşları tərəfindən nömrələnib və akt tərtib edilib.