Bakı. Trend:
Zəfər Günü ərəfəsində Azərbaycan Elm Fondu tərəfindən elan edilən “Qarabağ‑Azərbaycandır!” adlı qrant müsabiqəsinin qaliblərinin adları açıqlanıb. Müsabiqədə iştirak edən 32 layihədən Azərbaycan üzrə yalnız 8-i qalib olaraq seçilib.
Azərbaycan üzrə seçilən layihələrdən biri də Azərbaycan Memarlıq
və İnşaat Universitetinə (AzMİU) məxsusdur. Universitetin
“Materialşünaslıq” kafedrasının müdiri, professor İradə
Şirinzadənin rəhbərliyi ilə təqdim olunmuş layihənin adı “Qarabağın
tarixi abidələrinin bərpasında istifadə ediləcək inşaat məhlulları
tərkiblərinin işlənməsi”dir.
Layihə Qarabağın tarixi abidələrinin bərpası üçün həyati əhəmiyyət
kəsb edir. Belə ki, Qarabağın tarixi abidələri konflikt dövründə
erməni işğalçıları tərəfindən ya tamamilə dağıdılmış, ya da ciddi
zərər görmüşdür. Hətta bir sıra abidələr (Şahbulaq Qalası)
düşmənlərimiz tərəfindən kobudcasına “bərpa edilmiş”, XVIII əsrin
abidəsini portlandsement əsaslı suvaqla sanki yamamışlar. Layihə
belə abidələrin bərpası üçün original məhlullara bənzər tərkiblərin
işlənib hazırlanmasına və bərpaçılara təqdim olunmasına həsr
edilib.
Qeyd edək ki, layihənin icrası üçün Azərbaycan Elm Fondu tərəfindən150 000 manat büdcə ayrılıb. Qrant layihənin icrası 24 ay müddətində nəzərdə tutulub.