İyulun 15-də prezident İlham Əliyev "Əməkdar jurnalist" fəxri adının yenidən bərpa olunmasına dair sərəncam verib. Bu barədə Trend ə Mətbuat Şurasının sədri Əflatun Amaşov məlumat verib.
O bildirib ki, dövlət başçısının bu sərəncamı Milli mətbuatın 130 illik yubileyi ilə əlaqədar verilib. Ə.Amaşovun sözlərinə görə, iyulun 22-də - mətbuat günündə bir sıra jurnalistlərə, mətbuat nümayəndələrinə "əməkdar jurnalist" adı veriləcək. Bu ada layiq görüləcək jurnalistlərin kimliyi barədə isə hələ ki açıqlama verilmir.