Azərbaycan mətbuatının 130 illik yubileyi ilə əlaqədar iyulun 16-da Masallıda keçirilən toplantı ilə bölgələrdəki silsilə yubiley tədbirləri sona çatıb. Bu barədə Trend ə Mətbuat Şurasından məlumat verilib. Şuranın icraçı katibi Rəhim Hüseynzadə deyib ki, hazırda yubileylə bağlı Bakıda keçiriləcək tədbirlərə hazırlıq işləri gedir.
İyulun 21-də Gülüstan Sarayında prezidentin də iştirakı ilə keçiriləcək təntənəli yubiley gecəsində qocaman jurnalistlərə prezident təqaüdünün, fəallığına görə fərqlənənlərə "Tərəqqi" medalının və "Əməkdar jurnalist" fəxri adının verilməsi nəzərdə tutulub.
Prezident təqaüdünə, "Tərəqqi" medalına və "Əməkdar jurnalist" fəxri adına layiq görüləcək jurnalistlərin sayına və adlarına gəldikdə, R.Hüseynzadə bildirib ki, bu, prezidentin öz qərarından asılı olacaq. "Mükafat alacaq jurnalistlərin siyahısı hələ tam yekunlaşmayıb.
Kimlərə və nə qədər jurnalistə bu mükafatların verilməsi ilə bağlı son söz prezidentindir"-deyə R.Hüseynzadə vurğulayıb. Onun sözlərinə görə, jurnalistlərə ayrılacaq prezident təqaüdü 300 ABŞ dolları məbləğində olacaq.
"Media açarı" mükafatının təqdimat mərasiminin isə iyulun 22-də keçiriləcəyi gözlənilir.
Trend-in ən mühüm və maraqlı xəbərlərini "Telegram"da izləyin
.jpg){kind=icon}
.jpg)
