Oktyabrın 5-də vəkil Elman Osmanov Qobustan qapalı Həbsxanasında cəza çəkən Namiq Vəliyevlə görüşüb. Bu barədə Trend ə E.Osmanov məlumat verib.
Vəkilin sözlərinə görə, Namiq Vəliyev 90-cı illərin əvvəlində Səbail rayonu ərazisində bir ailənin xüsusi amansızlıqla törədilmiş qətlində iştirakçı kimi təqsirləndirilərək ömürlük həbsə məhkum olunub. 30 yaşlı məhbus hazırda ali təhsil almaq həvəsindədir. Bunun üçün onun vəkili bir qədər əvvəl müvafiq qaydada Konstitusiya Məhkəməsinə müraciət etsə də bəzi səbəblərə görə ərizə icraata götürülməyib.
E.Osmanov: "Bu səbəbdən də növbəti dəfə müraciət etməyi qərara aldıq. Bu günkü görüş də dustağı həmin ərizənin mətni ilə tanış etmək və imzalatmaq məqsədi güdürdü".
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
