Uşaq hüquqları beynəlxalq mərkəzi Azərbaycanda yuvenial (yetkinlik yaşına çatmamış uşaqların məhkəməsi) ədliyə üzrə hesabat hazırlayacaq. Azərbaycanın Ombudsman Aparatından Trend ə verilən məlumata görə, bu barədə Azərbaycanın insan hüquqları üzrə müvəkkili Elmira Süleymanova ilə görüşündə Londonun Esseks universitetinin professoru xanım Karolin Hamilton bəyan edib.
O. Azərbaycanda sosial xidmətin səmərəliliyinin artırılmasının zəruriliyini qeyd edərək uşaq evlərində tərbiyə alan uşaqların bu təcrübənin geniş tətbiq olunduğu xarici ölkələrdəki ailələrə verilməsinin vacibliyini qeyd edib.
Ombudsman ölkədə insan haqları, o cümlədən, uşaqların hüquqları ilə bağlı görülən işlərdən danışıb. O, ölkədə yuvenial ədliyyə məsələlərinin müzakirə olunduğunu bildirib və bu problemin milli qanunvericilikdə əks olunmasının, maarifləndirmə işlərinin aparılmasının vacibliyini qeyd edib. Azərbaycanda YUNİSEF-in nümayəndəliyi ilə birgə uşaq hüquqlarının öyrənilməsi üzrə layihənin həyata keçirildiyini bildirilib. E.Suleymanova, həmçinin, ağır xəstəliklərdən əziyyət çəkən əlil uşaqların, eləcə də valideyn himayəsindən məhrum olan uşaqlara diqqətin artırılmasını qeyd edib.
Trend-in ən mühüm və maraqlı xəbərlərini "Telegram"da izləyin
