AR ekologiya və təbii sərvətlər nazirliyi ölkədə quşların ovlanmasına qadağanı daha bir ay (dekabrın ortaları) uzadıb. Bu barədə Trend ə AR ekologiya və təbii sərvətlər nazirliyi yanında xüsusi qorunan ərazilərin bioloji müxtəlifliyinin mühafizəsi və inkişafı departamentinin rəhbəri Sədaqət Məmmədova bildirib.
Onun sözlərinə görə, bu qərar AR k/t nazirliyi yanında Dövlət baytarlıq xidmətinin rəyilə qəbul edilib. "Hazırda quşların köç etdiyi yerlərdə gücləndirilmiş nəzarət davam etdirilir. Lənkəran, Astara, Dəvəçi və digər yerlərdə fəal monitorinq aparılır, sınaqlar edilir, k/t nazirliyinin baytarlıq laboratoriyasında araşdırılır.Hazırda "quş qripi" faktları aşkar edilməyib" -deyə o qeyd edib.
Ova ilk qadağa oktyabrın 11-dən vəhşi köçəri quşların qan təhlilinin keçirilməsi üçün tətbiq edilib.