"Monitor" jurnalının mərhum baş redaktoru Elmar Hüseynovun qətlinin ildönümünün yaxınlaşması ilə əlaqədar yanvarın 12-də keçiriləcək piketə Bakı Şəhər İcra Hakimiyyəti izacə verməyib. Bu barədə Trend ə aksiyanın təşkilatçılarından biri, Elmar Hüseynov Fondunun həmtəsisçisi Şahbaz Xuduoğlu məlumat verib.
O, bildirib ki, yanvarın 11-də Bakı Şəhər İcra Hakimiyyəti piketin təşkilatçılarına cavab məktubu göndərib. Məktubda Elmar Hüseynovun qətlə yetirilməsi faktının qəti surətdə pisləndiyi vurğulanıb. Lakin buna baxmayaraq Bakı Şəhər İcra Hakimiyyəti piketin keçirilməsini məqsədə uyğun hesab etməyib.