Azərbaycanın fiqurlu xizəksürmə üzrə rəqs cütlüyü Kristin Freyzer - İqor Lukanin bu günlərdə Lionda keçirilən dünya çempionatının turnir cədvəlində irəliləyiblər.
Trend in məlumatına görə, "Latin Combination" adlı rəqs altında orijinal rəqsə görə hakimlər idmançılara 51.52 xal veriblər və onlar 8-ci yerə çıxıblar. Bu zaman onlar Yana Xoxlova və Sergey Novitskinin şəxsində rusiyalı dueti, fransızlar Natali Peşo - Fabian Borzonu və digərlərini geridə qoyublar. Çempionatın birinci günü icra olunan vacib proqramla müqayisədə K.Freyzer və İ.Lukanin bir pillə irəliləyiblər. İndi onlarbuz üzərinə sərbəst kompozisiya ilə çıxmaqlıdırlar.