Alman-Azərbaycan mədəniyyət mərkəzi "Kapelhaus" yanvarın ayının sonuna kimi Bakı melomanlarını iki konsertlə sevindirəcək. Almaniyanın Azərbaycandakı səfirliyindən Trend ə verilən məlumata görə, yanvarın 24-də yerli vaxtla saat 19:00-da məşhur skripkaçı Nana Babayevanın solo konserti keçiriləcək.
Volfqanq Amadey Motsartın 250 illiyinə həsr olunmuş ikinci konsert yanvarın 27-də keçiriləcək. Konsertin bədii rəhbəri Azərbaycanın əməkdar artisti Lütfiyar İmanovdur.
Konsertdə iştirak etmək istəyənlər üçün giriş pulsuzdur.