Fiqurlu konkisürmə üzrə rəqs cütlüyü Kristin Freyzer - İqor Lukanin Lionda başa çatmış dünya çempionatında doqquzuncu yeri tutub.
Trend bildirir ki, proqramın yekunlarına görə cütlük hakimlərdən 46.01 xal alaraq ilk onluqda qərar tutub. K.Freyzer və İ.Lukanin ən yaxşı nəticəni orijinal rəqslə nümayiş etdirərək səkkizinci olub.
Beləliklə, Avropa çempionları adını rusiyalı Tatyana Navka və Roman Kostomarov qoruyub, Ukraynadan Yelena Qruşina və Ruslan Qonçarov ikinci, litvalılar Marqarita Drobyazko - Povilas Vanaqas isə üçüncü olub.