Azərbaycanın Mətbuat Şurası ölkənin tanınmış kütləvi informasiya vasitələrinin (KİV) monitorinqini aparacaq. Bu barədə Trend ə Mətbuat Şurasından məlumat verilib.
Monitorinqin keçirilməsi məqsədilə hazırlanmış təlimat, tədbirə cəlb olunacaq 20 qəzetin siyahısı Şuranın İdarə Heyətinin son iclasında təsdiqlənib. Bu sırada "Azərbaycan", "Xalq qəzeti", "Yeni Müsavat", "Azadlıq", "Səs", "Bakı xəbər", "Yeni Azərbaycan", "Gün səhər", "525-ci qəzet", "Kaspi", "Ayna-Zerkalo", "Exo", "Reytinq", "İmpuls" və digər dövri nəşrlərin adı var.
Monitorinq doqquz kriteriya əsasında aparılacaq. "Azərbaycan Jurnalistlərinin Peşə Davranışları Qaydaları" əsasında hazırlanmış bu kriteriyalar mətbu materiallarda etik normalara nə dərəcədə əməl olunmasına aydınlıq gətirəcək. Məsələ ilə bağlı ayda 2 dəfə media üçün açıqlamalar veriləcək və qaydalara əməl olunmasının cədvəl göstəriciləri tərtib ediləcək.
Trend-in ən mühüm və maraqlı xəbərlərini "Telegram"da izləyin
