Afina olimpiadasının güllə atıcılığı üzrə bürünc mükafatçısı İradə Aşumova yanvarın 27-də Münxendə start veriləcək dünya Kuboku mərhələsində iştirak edəcək.
İdmançının Trend ə verdiyi məlumata görə, komandaya Bakı birinciliyində fərqlənmiş Nigar Bağırova da daxildir. "Bu yarışa ən güclü idmançıların qatılacağını nəzərə alaraq qələbə qazanmaq o qədər də asan olmayacaq. Lakin mən Lüksemburqda iki qızıl və bir gümüş medal qazanaraq yeni ilə uğurla başlamışam. Buna görə də ümid edirəm ki, uğur bu dəfə də mənimlə olacaq",- deyə İ.Aşumova qeyd edib.