Norvecin İnsan Haqları Müdafiəsi Evi Bakıda ofis açmağı və qeyri-hökumət təşkilatlarının fəaliyyətini əlaqələndirməyi planlaşdırır. Bu barədə, Trend agentliyinin məlumatına əsasən, Azərbaycan ombudsmanı Elmira Süleymanova Norvecin İnsan Haqları Müdafiəsi Evinin nümayəndəsi xanım Ane-Tusvik Bondeni ilə görüşdə bildirib.
Bondeni həmçinin, Azərbacyanda ofis açmaq üçün donor axtarmaq niyyətini bildirib. E.Süleymanova ofisin açılması ilə bağlı layihəni yüksək qiymətləndirərək, bunun insan haqlarının müdafiəsinə müsbət təsir edəcəyini qeyd edib.