Azərbaycan ali təhsil müəssisələrinin 12 bakalavrı Türkiyə universitetlərinin magistraturasına daxil olub. Azərbaycan Tələbə Qəbulu üzrə Dövlət Komissiyasından Trend ə verilən məlumata görə, Türkiyə universitetləri elə bu qədər yer ayırıb.
TQDK tərəfindən təşkil olunmuş imtahanlar Azərbaycan və rus dillərində keçirilib. İmtahanlarda 132 namizəd iştirak edib. Tələb olunan balı toplamış abituriyentlər il ərzində Türkiyədə türk dili kursları keçəcək və yalnız bundan sonra ixtisaslarına uyğun olaraq Türkiyə ali təhsil müəssisələrinə yerləşdiriləcəklər.