Bütün dünyada yaşayan Azərbaycan əsilli jurnalistlərin və alimlərin Forumu keçiriləcək. Trend in məlumatına görə, bu barədə iyunun 13-də mətbuat konfransı keçirən Xarici Ölkələrdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov açıqlama verib. O, bildirib ki, Dövlət Komitəsi milli mənsubiyyətindən asılı olmayaraq, Azərbaycanda doğululub yaşamış, amma başqa-başqa ölkələrdə fəaliyyət göstərən jurnalistləri bir araya toplayaraq gələn ilin əvvəllərində Forum keçirməyi planlaşdırır. Eyni zamanda dünyada yaşayan azərbaycanlı alimlərin də belə bir toplantısının təşkili planlaşdırılır.
N.İbrahimov iyunun 4-dən 10-dək Türkiyənin Antalya vilayətində keçirilmiş Dünya Azərbaycanlıları Ziyalılarının Forumu barədə də məlumat verib. Forum çərçivəsində keçirilmiş silsilə tədbirlər haqqında danışıb. Onlardan Türk-Azərbaycan icmalarının birgə toplantısını, Amerikada fəaliyyət gösətərən Azərbaycan icmalarının görüşünü, Amerika-Azərbaycan Assosiasiyaları Assambleyasının yaradılması məqsədilə təşkil olunmuş tədbiri, Türkiyə Azərbaycan Dərnəkldəri Federasiyasının toplantısını və digər tədbirləri qeyd edib. N.İbrahimov bildirib ki, dünyada yaşayan Türk-Azərbaycan diasporları bundan sonrakı fəaliyyətini eyni istiqamətə yönəldəcək, bir-birilərinin milli maraqlara xidmət edən ideyalarını dəstəkləyəcəklər. O, əlavə edib ki, ABŞ-da və bütün dünyada çox böyük nüfuza malik olan Amerika Yəhudiləri Konqresinin gələn il keçiriləcək toplantısında Azərbaycan paneli yaradılacaq, diasporumuz fəal şəkildə orada iştirak edəcək.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
