Dekabrın 8-də Milli televiziya və Radio Şurasının iclası keçirilib. Bu barədə Trend ə teleradio şurasından məlumat verilib.
İclasda "Avropa+Bakı" radiosunun və "Aygün TV"-nin fəaliyyəti üçün xüsusi razılıq - lisenziya müddətinin uzadılması məsələsi müzakirə edilib. Şuranın qərarı ilə "Avropa+Bakı" radiosuna musiqi radiosu kimi 6 il müddətinə yayım üçün lisenziya verilməsi haqda qərar qəbul edilib.
"Aygün TV"-yə fəaliyyət üçün xüsusi razılıq verilməsi məsələsinə isə növbəti iclaslarda baxılması qərara alınıb. Şuranın iclasında həmçinin 1 yanvar 2007-ci il tarixindən etibarən "Amerikanın səsi" və "Azadlıq" radiolarının TM 101.7 tezliyində yayımlanması barədə qərar çıxarılıb.