Elmar Hüseynov öz işinə böyük məhəbbəti olan, prinsipial adam, sadiq jurnalist, demokratiya üçün KİV-in necə vacib olduğunu anlayan, həm də öz ölkəsini yaxşı etmək üçün özünü həsr edən vətənpərvər idi. Trend in verdiyi xəbərə görə, bu barədə dekabrın 18-i məhşur jurnalist Elmar Hüseynovun qəbrini ziyarət edən ABŞ dövlət katibinin müavini Barri Louinkronun bəyannaməsində deyilir.
"Jurnalistə hücumlar, Elmar Hüseynova olduğu kimi, demokratiyaya qarşı hücumlar deməkdir. Onun qəddarcasına qətli təkcə onun səsini batırmağa cəhd deyildi, həm də başqa jurnalistləri qorxutmaq, onları susmağa və özünü yığışdırmağa məcbur etmək idi. Onun qatilləri buna nail olmamalıdır." - B.Louinkron söyləyib. O, vurğulayıb ki, Azərbaycan höküməti media azadlığına öz sadiqliyini ifadə edib və jurnalistin ölümündə təqsirli olanların qanun qarşısında cavab verməsini təmin etməyə çağırıb.
ABŞ-ın Dövlət katibinin müavini Elmar Hüseynovu Azərbaycanda demokratiyanın qorxmaz çempionu adlandırıb və mərhumun yaxınlarına və ailəsinə başsağlığı verib.
Trend-in ən mühüm və maraqlı xəbərlərini "Telegram"da izləyin
