Dekabrın 28-də ATƏT-in Bakı ofisinin Ali Qanunvericilik Şöbəsinin rəisi Andreas Buş və şöbənin əməkdaşı Məhəmməd Quluzadə Azərbaycanın Ali Məhkəməsində (AM) olublar və AM-yə hüquq sahəsini əhatə edən 300 ədəd kitab bağışlayıblar. Bu barədə Trend ə AM-nin mətbuat xidmətinin rəhbərə Allahverdi Nehrəmli məlumat verib.
Qonaqlar məhkəmənin Cinayət İşləri üzrə kollegiya sədri, AM sədrinin müavini Hacıbala Sadıqovla və hakimlərlə görüş keçiriblər. Görüşdə ATƏT-in Bakı ofisinin Ali Məhkəməyə hüquqi yardımı məsələləri müzakirə olunub. ATƏT-in maliyyə dəstəyi ilə Azərbaycanda və Rusiyada çap olunmuş kitabların bir qismi hakimlərə, digər qismi isə məhkəmənin kitabxanasına təqdim olunub.
Tərəflər ATƏT-in Bakı ofisi ilə Ali Məhkəmənin gələcək əlaqələrinə dair fikir mübadiləsi aparıblar.