Azərbaycan, Bakı/ Trend müxbir E.Hüseynli/ Qafqaz Müsəlmanları İdarəsinin (QMİ) sədri Şeyxülislam Allahşükür Paşazadə "Vicdanın çağırışı" Beynəlxalq Fondunun martın 27-də Nyu-York şəhərində keçirəcəyi illik toplantıya dəvət alıb. Bu barədə QMİ-nin mətbuat xidmətindən məlumat verilib.
ABŞ-da 1965-ci ildə yaradılmış "Vicdanın çağırışı" Beynəlxalq Fondu dünyada dini etiqad azadlığı və insan hüquqların təmini istiqamətində fəaliyyət göstərir. Fond Azərbaycanla əlaqələrin inkişafına böyük əhəmiyyət verir.