Azərbaycan, Bakı / Trend müxbir K. Zərbalıyeva/ Ali Məhkəmənin Plenumu Naxçıvan ərazisindəki N saylı hərbi hissənin komandiri Aqşin Məmmədov barəsində çıxarılmış hökmü ləğv edərək ilkin baxışa qaytarıb. Bu barədə Trend ə Ali Məhkəmənin hakimi Oqtay Maqsudov məlumat verib.
Maqsudov bildirib ki, Plenum zərərçəkmişlərin əlavə kassasiya şikayətini araşdıraraq bu barədə qərar qəbul edib.
Məmmədovun komandir olduğu hərbi hissənin əsgəri Faiq Əliyev 1995-ci il noyabrın 4-də intihar edib. İntihara səbəb isə komandirin əsgəri sillə ilə vurub təhqir etməsi olub. Bu əmələ görə, Məmmədov Cinayət Məcəlləsinin 331-ci (hərbi qulluqçunu təhqir etmə, döymə və ya işgəncə vermə) maddəsi ilə təqsirli bilinərək məhkəmənin hökmü ilə minimum əmək haqqının 2000 misli məbləğində cərimələnib. Əsgərin ailəsi isə komandirə verilən cəzanın yüngül olduğunu əsas gətirərək onun cinayət məsuliyyətinə cəlb olunmasını tələb edib.
Bu səbəbdən də Məmmədov barəsindəki hökm ləğv edilib və işin araşdırılması üçün Apellyasiya Məhkəməsinin Hərbi İşlər üzrə Məhkəmə Kollegiyasına göndərilməsi barədə bu gün Ali Məhkəmənin Plenumu qərar qəbul edib.
Məqalə müəllifi ilə əlaqə ünvanı news@trend.az
Bizi Twitter-dən izləyin @trend_az
Trend-in ən mühüm və maraqlı xəbərlərini "Telegram"da izləyin
.jpg)
.jpg)
.jpg)
.jpg)
