Azərbaycan, Bakı /müxbir. Trend Z.Səfərov/ "Everest dünyanın ən hündür dağıdır. Bu hündürlüyə səfər etmək addımla mümkündür". Bu barədə məlumatı Trend ə beynəlxalq ekspedisiyanın tərkibində məşhur zirvəyə səfər ərəfəsində Azərbaycan alpinisti İsrafil Aşurlu bildirib.
İdmançı etiraf edib ki, son 9-10 ildə "Yeddi zirvə" layihəsini həyata keçirmək üçün bütün gücünü səfərbər edib. "Bu səfər Azərbaycan üçün də vacibdir, baxmayaraq ki, milli məktəbimiz zəngin tarixə malikdir , ancaq bizim alpinistlər hələ də böyük səfərlərdə kifayət qədər geniş təmsil olunmayıblar " - deyə Aşurlu bildirib.
Qeyd etmək lazımdır ki, Everesti fəth etsə, İsrafil fəxri "Qar bəbiri" adını almağa daha çox yaxınlaşacaq.